Ymunwch â ni am noson anhygoel sy’n arddangos amrywiaeth o ddoniau boilésg, wedi’i churadu a’i chyflwyno gan Joshua Hubbard gyda’r prif westai arbennig Tom Harlow.

Chanteur, MC a sioelanc rhyngwladol sydd wedi ennill gwobrau (Miss Bwrlésg yr Alban 2019, Brenin Boilésg Amsterdam 2016) yw Tom Harlow, sy’n byw yn Glasgow. Tom yw Miss Bwrlésg yr Alban ar hyn o bryd ac mae’n teithio’r byd yn swyno cynulleidfaoedd ac yn dwyn calonnau a diodydd lle bynnag mae’n mynd.

Yn ymuno â Tom ar y noson wych yma o Foilesgwyr bydd...

Mimi the Most, perfformiwr Glamazonaidd sy'n fwyaf adnabyddus am yr #escandalo! o orfod gadael y Bale Brenhinol o dan gwmwl ar ôl i sibrydion honedig ei bod hi’n ferch ddrwg iawn ledaenu yn y cwmni (ond mae’n siŵr mai ambell a*t genfigennus oedd yn gyfrifol am hynny).

BRENHINIAETH yw popeth i Rudy. Mae’n ymgorfforiad o dduwdod sy'n cyflwyno profiad yn y gofod lle mae egni gwrywaidd a benywaidd yn cwrdd, a'r harddwch sydd yn hynny. Yn cynnig clamp o gorff anneuaidd, a pherfformiadau sy'n cyfleu ysbryd o ryddid, cnawdolrwydd a grym.

Artist perfformio trawsryweddol, brenin drag a lleisydd o bentref hoyw Manceinion yw Wolfy. Fe allech chi ddod ar ei draws yn teithio o gwmpas gwledydd Prydain ac Ewrop yn ei fan, ond fel arfer mae'n byw ar ei orsedd fel brenin Canal St.

Mae Deeva D yn cyflwyno cymysgedd eclectig o ddigywilydd-dra, rhywioldeb a sbeis, drwy gelfyddyd bwrlésg. Rydych chi’n siŵr o fwynhau, gyda’r addewid o symudiadau dawnsio llyfn, shimis brestiau blewog a stripio os byddwch chi’n lwcus. Dydy Bearlésg erioed wedi edrych mor dda.

Joshua Hubbard – coreograffydd, cyfarwyddwr, mynnwr sylw, ac erbyn hyn, cynhyrchydd. Wedi gweithio gyda phobl fel Elton John, Charli XCX, Roisin Murphy, Years and Years, Hercules and Love affair, a Danny Beard.