Mae Twisted Nymph yn ‘chwip o ystumwraig’ (Cylchgrawn Mardi Gras, 2017). Mae'n berfformwraig ac yn hyfforddwraig brofiadol sy'n arbenigo mewn ystumiau, y cylchyn awyr a sidanau. Mae’r artist syrcas a chabaret cyfareddol o Brighton yn cynnig cymysgedd eclectig o actau sy’n amrywio o’r doniol i’r rhyfeddol i’r rhyfedd.

Disgwyliwch symudiadau iasol, anarferol ac anifeilaidd.

Crëwr a pherchennog Dawnsio Polyn Chrome Roses yw Leah Rose, cwmni sydd â stiwdios yng Nghaerdydd a Chasnewydd lle mae’r myfyrwyr yn cael eu hannog i deimlo’n rhywiol ac wedi’u grymuso drwy ddawns a ffitrwydd. Dechreuodd Leah ddawnsio polyn flynyddoedd yn ôl, wrth chwilio am ffordd o gadw’n heini. Roedd yr elfennau risqué yn apelio ati, gan ei harwain at ddosbarthiadau polyn, a dydy hi heb edrych yn ôl ers hynny. Mae ei hangerdd dros symud ac addysgu wedi caniatáu iddi rannu’r wybodaeth yna ledled y byd.

Perfformwraig lwyddiannus, llawn hwyl a hynod cwiar yw Lili Del Fflur o dŷ Foo Foo La Belle yng Nghaerdydd. Mae wedi ennill gwobrau fel dawnswraig bwrlésg, a hynny am reswm da! Mae Lili Del Fflur wedi bod yn perfformio bwrlésg ers 2016 ac wedi perfformio ar draws gwledydd Prydain. Mae’n creu neo-fwrlésg gyda dos da o’r pinyp a’r doniol fydd yn siŵr o ddiddanu mewn perfformiad DEL-frydol!