Gwaith celf rhyngweithiol yw Into the Sun sy’n ymateb i symudiadau’r gwyliwr.

Yma rydyn ni’n sefyll mewn tirwedd naturiol, sydd ond yn dod yn fyw pan fyddwn ni’n rhyngweithio â hi. Mae planhigion yn blaguro ac yn tyfu, gan ddynwared ein symudiadau. Mae coesynnau a dail yn plygu ac yn pwyso tuag atom ni, gan guddio’r haul digidol cynnes a llywio’r sain. 

Wedi’i greu gan y grŵp celf a dylunio digidol Universal Everything, mae Into the Sun yn cynrychioli’r gair Japaneaidd ‘komorebi’ – y foment yn gynnar yn y bore neu’n hwyr yn y prynhawn pan fydd golau’r haul yn tywynnu drwy ddail y coed.