Mae Soho Theatre yn cyflwyno gweithdy ysgrifennu drama yng Nghanolfan Mileniwm Cymru, wedi’i amseru i baratoi dramodwyr cyn cyflwyno eu drama newydd ar gyfer Gwobr Verity Bargate 2024.

Dyma un o nifer o weithdai sy’n digwydd mewn lleoliadau ledled y DU ac Iwerddon. Bydd ysgrifenwyr yn cael gwybodaeth am raglenni presennol Soho Theatre, eu tri gofod theatr a beth mae adrodd straeon a theatredd yn ei olygu iddyn nhw.

Yn rhan gyntaf y gweithdy, bydd ysgrifenwyr yn dysgu am y Wobr Verity Bargate a threftadaeth Soho Theatre o ysgrifennu newydd.

Yn yr ail ran byddwn ni’n edrych ar samplau o nifer o ddramâu i ymchwilio i’w strwythur, eu ffurf, eu harddull a’u pwnc.

Yn olaf, byddwn ni’n gofyn beth sy’n gwneud drama yn addas ar gyfer Soho Theatre, p’un a yw’n fyw i’r byd, mewn cysylltiad â’n cynulleidfa ac â’r beiddgarwch i wneud i bobl dal anadl.