Rydyn ni’n mynd i Ganolfan Mileniwm Cymru 
Rydyn ni’n mynd i weld Bear Hunt 
Am ddrama brydferth! 
Does dim ofn arnon ni... 

Mae cerddoriaeth, chwerthin, odlau, rhythmau ac ailadrodd ynghyd â phypedwaith, paent, dŵr a mwd... heb sôn am arth – does dim ofn arnon ni! – yn gwneud yr antur llawn hwyl yma yn brofiad theatraidd perffaith i deuluoedd ifanc. 

Ymunwch â’n teulu dewr o anturwyr a’u ci cerddorol wrth iddyn nhw gerdded drwy’r gwair sïol, yr afon sblasiog a’r mwd slwtshlyd, i chwilio am arth. Gallwch chi ddisgwyl llwyth o ryngweithio a rhai syrpreisys ar hyd y ffordd. 

Wedi’i addasu i’r llwyfan o’r clasur modern a ysgrifennwyd gan Michael Rosen ac a ddarluniwyd gan Helen Oxenbury.