Ymunwch â’r canwr a’r ysgrifennwr caneuon Matthew Frederick ar gyfer gweithdy chwe wythnos am hanfodion ysgrifennu caneuon.
Ar y cwrs hwn byddwch chi’n cael cyfle i ysgrifennu amrywiaeth o ganeuon ar y cyd ac mewn grwpiau llai. Byddwch chi hefyd yn cael eich annog i ysgrifennu’n unigol gartref rhwng sesiynau, ac, os byddwch chi’n gyfforddus yn gwneud hynny, rannu eich gwaith â gweddill y grŵp yn y gweithdy bob wythnos.
Ydych chi’n offerynnwr hyderus? Bydd croeso i chi ddod â’ch offeryn gyda chi. Bydd y cyfranogwyr yn cael cyfle i ysgrifennu a chyfansoddi yn seiliedig ar themâu a phynciau maent yn frwdfrydig amdanynt. Bydd y sesiynau hyn yn cael eu harwain gan y cyfranogwyr gymaint â phosibl, gan alluogi artistiaid ifanc i gymryd rheolaeth o safbwynt cerddorol o dan arweiniad Matthew i ddatblygu eu gallu geiriol a strwythurau caneuon.
I BWY MAE’R RHAGLEN?
Mae’r cyrsiau’n agored i unrhyw un 14 – 25 oed o bob cefndir ac o bob rhan o Gymru.
PRYD?
Bob dydd Iau, 6pm – 8pm dros chwe wythnos yn dechrau 10 Tachwedd 2022.
Mae chwe sesiwn i’r cwrs yma, ar y dyddiadau canlynol: 10 Tachwedd, 17 Tachwedd, 24 Tachwedd, 1 Rhagfyr, 8 Rhagfyr, a 15 Rhagfyr felly bydd angen i chi fynd i bob un. Ychwanegwch un tocyn i’ch basged er mwyn archebu lle ar y cwrs cyfan.
Os yw'r cwrs hwn wedi gwerthu allan, ychwanegwch eich manylion at ein rhestr aros a byddwn ni mewn cysylltiad os bydd lle ar gael.
YNGLYN Â’N CYRSIAU LLAIS CREADIGOL
Mae Llais Creadigol yn rhaglen unigryw chwe wythnos o hyd sy’n rhoi’r cyfle i bobl ifanc archwilio’i diddordebau, mynegi eu hunain, datblygu hyder creadigol a dysgu sut i rannu eu storïau drwy brofiadau dysgu ymarferol.
Ariennir y gweithgaredd hwn gan Sefydliad Moondance, Sefydliad Garfield Weston, Ymddiriedolaeth Elusennol Simon Gibson ac Ymddiriedolaeth Elusennol Mary Homfray.
