Yn dilyn premiere yn Llundain a pherfformiadau a werthwyd allan yn Birmingham, mae’r ffordd fwyaf ymdrochol o brofi stori ddiamser Knight ar ei ffordd i gymryd drosodd y DU. Mae cefnogwyr hirdymor y rhaglen deledu a chynulleidfaoedd sy’n newydd i Peaky yn gytûn yn eu brwdfrydedd dros y perfformiadau egnïol a theimladwy gan y cast cyfan, lle dydych chi byth yn siŵr a ydych chi mewn sioe ddawns neu gig roc.   

Gan ddechrau yn y ffosydd yn Fflandrys, mae stori bersonol yn datblygu ym myd diwydiannol Birmingham ar ôl y rhyfel wrth i’r teulu Shelby wneud penderfyniadau sy’n pennu eu ffawd a chaiff Tommy ei ddenu gan Grace, newydd-ddyfodiad hynod. 

Wedi’i hysgrifennu a’i haddasu ar gyfer y llwyfan gan greawdwr Peaky Blinders Steven Knight, gyda choreograffi a chyfarwyddyd gan Gyfarwyddwr Artistig Rambert Benoit Swan Pouffer, mae’r sioe gyfareddol yma yn cyfuno dawns drawiadol ac athletaidd â dramateiddiad syfrdanol gan gwmni llawn Rambert gyda band byw, cerddoriaeth a gomisiynwyd yn arbennig gan Roman GianArthur a thraciau Peaky eiconig gan Nick Cave and The Bad Seeds, Radiohead, Anna Calvi, The Last Shadow Puppets, Frank Carter & The Rattlesnakes a Black Rebel Motorcycle Club.  

Uwch-gynhyrchwyr: Rambert, Robin Saunders a Simon Sinek. Wedi’i hysbrydoli gan y gyfres deledu Peaky Blinders a grëwyd gan Steven Knight. Mewn cydweithrediad â Caryn Mandabach Productions. Peaky Blinders © TM Caryn Mandabach Productions 2022, trwyddedwyd gan Caryn Mandabach Productions.