Gyda hoffter o ganeuon yr 80au a phethau hollol hurt, mae Velma Von Bon Bon wedi bod yn cyflwyno ei brand unigryw o ddwli bwrlésg ers dros ddegawd. Gan ddifyrru cynulleidfaoedd ar draws y DU ac Ewrop, mae wedi datblygu enw da fel coctel cryf o gomedi a glamor. O’i meddwl llawn hiwmor daw’r perfformiwr syrcas meddw Natalia Kalashnikov, y gyflwynwraig eiconig. Mae wedi cyrraedd y rhestr o’r 50 o berfformwyr bwrlésg gorau yn y byd ddwy flynedd yn olynol, a’r rhestr o 10 o berfformwyr bwrlésg gorau yn y DU sawl gwaith. Bydd eich seddi yn siŵr o wlychu…

"Ha, ha, ha" – Dyfyniad gan aelod o’r gynulleidfa

Perfformiwr bwrlésg yw Miss Betty Blue Eyes, enillydd y Goron Brydeinig yng Ngemau Bwrlésg y Byd 2016, sydd wedi bod yn creu straeon annisgwyl ar gyfer cynulleidfaoedd bwrlésg a chabaret ers 2009. Mae’n gameleon cabaret comedi sydd ag actau unigryw yn llawn cymeriadau rhyfedd, hanesion hynod a chomedi gyfareddol. O syrpréis annisgwyl Reverse Strip i danbeidrwydd ei hact arobryn Behind the Candel-a-bra (teyrnged i arwr Las Vegas, Liberace), mae gan Betty wisg i unrhyw achlysur.

(A cyn i chi ofyn… oes mae llygaid glas ganddi). 

Bob amser yn hurt, yn aml yn hudolus ac weithiau’n wyllt, mae FooFoo wedi bod yn perfformio ers dros 30 mlynedd.

FooFoo, sy’n ddawnswraig, yn goreograffydd, yn gynhyrchydd, yn gantores, yn fam ac yn berchennog busnes, yw sylfaenydd Clwb Cabaret Caerdydd. Ers 2008 mae wedi bod yn creu sioeau a dosbarthiadau lle mae croeso i berfformwyr o bob oed a phrofiad. 

Y gowntes fwrlésg gyffrous gyda cherddoriaeth yn ei henaid, rym yn ei gwythiennau a choesau hir!  

Mae Oola yn aelod balch o deulu FooFoo LaBelle yng Nghlwb Cabaret Caerdydd lle mae’n perfformio fel unawdydd ac fel rhan o’r cwmni sioeferched cynhwysol anhygoel. Fel storïwr penigamp, mae’n mwynhau creu cymeriadau cofiadwy a mynd â chynulleidfaoedd ar deithiau digywilydd mewn ffordd drwsiadus.  

Mae Gruffalo Bill a Wrangler Russ yn ymgodymu â byd rhyfedd y Gorllewin Gwyllt, gan ddangos beth y gellir ei wneud mewn cyfnod o ddyfeisio a dyfeisgarwch.

Mae’r ddau yn berfformwyr syrcas proffesiynol arobryn o Dde Cymru ac maen nhw’n dod ag elfen o gomedi i berygl gyda steil a chyfaredd. Fel yr act syrcas cyntaf i berfformio sioe taflu cyllyll at darged fyw yng Ngŵyl Glastonbury ar y llwyfan syrcas ac ym mhabell Cabaret Mavericks, maen nhw wedi dangos i’r byd beth y gellir ei wneud gyda darn o bren ac ychydig o spaghetti!

Bydd Goldie Luxe yn mynd â chi ar daith o straeon hudol. Mae’n cael hwyl gyda’r clasuron ac yn ymhyfrydu wrth ychwanegu coctel heintus o gomedi at ei pherfformiadau.