Mae’r coed ar ochr Lloyd George Avenue yn newid. Mae’r awyr sy’n chwythu i mewn o’r Bae yn oerach. Mae’r hydref yn ein galw ni i aros yn glyd…
Felly cydiwch yn eich sgarff a chamwch i mewn I Ganolfan Mileniwm Cymru am ddiod cynnes yn Ffwrnais cyn cymryd eich sedd ar gyfer un o’n digwyddiadau anhygoel yr hydref yma.
TEITHIAU EPIG
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2023/Donald%20Gordon%20Theatre/Life%20of%20Pi/Production%20images/FrMjTFeXsBUFBkd.jpg)
Life of Pi
Ar ôl storm epig yn y Cefnfor Tawel, caiff Pi ei adael ar fad achub gyda phedwar goroeswr arall – hiena, sebra, orangutan a theigr Bengal Brenhinol. Yn seiliedig ar y ffenomenon byd-eang ac enillydd y wobr Man Booker, sydd wedi gwerthu dros 15 miliwn o gopïau ledled y byd, Life of Pi yw’r stori boblogaidd am daith epig o wydnwch a gobaith. Peidiwch â cholli sbectacl y West End a Broadway ar ei daith gyntaf o’r DU.
'It will make you believe in theatre. A triumph.' Sunday Times
![](https://res.cloudinary.com/wales-millennium-centre/image/upload/c_fill,f_auto,g_center,h_300,q_auto:eco,w_500/v1/WMC%20Content/Whats%20On/2023/Donald%20Gordon%20Theatre/Branwen%20Dadeni/New%20artwork/Branwen_WMC-Desktop-Header_2000x923px_IMAGE-ONLY.png)
Branwen:Dadeni
Ar ôl rhyfel cartref gwaedlyd, teulu Llŷr sy’n rheoli gwlad Cedyrn. Mae Branwen, y dywysoges ifanc garismatig sydd wedi ennill calonnau’r bobl, yn awyddus i symud ei gwlad ymlaen, ond dyw ei brawd, y brenin, ddim yn gwrando. Yn ystod ymweliad annisgwyl gan Frenin Iwerddon, mae hi'n gweld ei chyfle: dianc i wlad flaengar a llewyrchus lle bydd ei llais yn cyfrif, a lle bydd ganddi'r grym i newid pethau. Ond, wrth iddi ddechrau serennu, mae pob bargen, brad a chorff yn ei harwain yn ddyfnach i'r tywyllwch, a phan fydd bron ar ben arni, daw'r pris yn amlwg.
Sioe gerdd newydd gan Ganolfan Mileniwm Cymru a Frân Wen sy’n ailddychmygu’r stori eiconig, gyda Gethin Evans yn cyfarwyddo cast rhagorol o berfformwyr a cherddorion.
SIOEAU CADARNHAOL
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2023/Donald%20Gordon%20Theatre/Lost%20in%20Music/Gallery/Jennifer-Wallace_Vernon-Lewis_Natalie-Colins_Mark-Aygei_ElleJ-Walters002.jpg)
Lost in Music: One Night at the Disco
Ymunwch â ni wrth i ni ail-greu’r 70au hudol a gadewch i ni fynd â chi ar daith gerddorol yn syth i galon disgo! Dewch i ail-fyw rhai o’r caneuon gorau erioed gan artistiaid fel Donna Summer, Gloria Gaynor, Earth Wind & Fire, Sister Sledge a Chic. Mae’r sioe yn cynnwys band byw syfrdanol, cast hynod o dalentog a lleisiau arbennig a fydd yn siŵr o wneud i chi godi ar eich traed a dawnsio. Felly, gwisgwch eich dillad gorau wrth i ni ddathlu oes aur disgo.
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2020/Donald%20Gordon%20Theatre/Everybody%27s%20Talking%20About%20Jamie/Prod%20Images/JAM_1400_retouched.jpg)
Everybody's Talking About Jamie
Wedi’i gosod i sgôr gwreiddiol o ganeuon pop gafaelgar gan brif ganwr a chyfansoddwr caneuon The Feeling Dan Gillespie Sells a’r awdur Tom MacRae (Doctor Who). Wedi’i choreograffu gan un o Artistiaid Cyswllt Sadler’s Wells Kate Prince (Into the Hoods, Some Like It Hip Hop, SYLVIA, Message In A Bottle). Bydd y sioe gerdd ddisglair yma yn golygu y bydd pawb yn siarad am Jamie am flynyddoedd i ddod.
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2023/Cabaret/Sam%20Morrison/sam_morrison.jpg)
Sam Morrison: Sugar Daddy
Sam Morrison, a gafodd ei enwi’n Wyneb Newydd yng Ngŵyl Just For Laughs 2023 ac sydd wedi ymddangos ar y teledu am y tro cyntaf yn ddiweddar ar Late Night with Seth Myers, yw un o sêr datblygol mwyaf y byd comedi. Mae Sugar Daddy yn dilyn Sam wrth iddo gwrdd â’i ddiweddar bartner mewn gŵyl eirth hoyw a dod o hyd i obaith a digrifwch mewn galar ar ôl iddo farw.
DIGON I'W FWYNHAU
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/Charlotte_Church.png)
Llais
Mae Llais yn agor ar 10 Hydref gyda’r Wobr Gerddoriaeth Gymreig. Mae ein lein-yp ffantasig hefyd yn cynnwys Bat for Lashes, Gwenno a Both Sides Now: Celebrating Joni Mitchell gyda’r gwesteion arbennig Charlotte Church a Laura Mvula. Mae rhaglen lawn o ddigwyddiadau ar draws yr adeilad yn cynnwys gweithdai a dangosiadau rhad ac am ddim.
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2023/Cabaret/Cabaret-holding%20image.jpg)
Cabaret - Mae Croeso i Bawb
Darganfyddwch bleserau annisgwyl a difyr wrth i ni arddangos y perfformwyr gorau o’r bydoedd drag, comedi, bwrlésg, cerddoriaeth fyw, theatr gig a mwy. Mae Cabaret yn ofod diogel lle y gall pawb fynegi a mwynhau eu hunain. Rydyn ni’n cyflwyno talentau datblygol ac eclectig fel nunlle arall yng Nghymru ac mae croeso i bawb. Mae sioeau arswydus ar y ffordd yn Cabaret gan gynnwys Halloween Burlesque Fantasy gyda Chlwb Cabaret Caerdydd, Horrible Drag gyda Charity Kase o Drag Race UK, a ‘Slayance’ gyda House of Deviant – yr unig grŵp drag anableddau dysgu yng Nghymru.
CLIRIWCH EICH PEN
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2023/Donald%20Gordon%20Theatre/Sister%20Act/Image%20Gallery/SISTER_ACT._Company._Photo_Mark_Senior.jpg)
Sister Act
Mae bywyd y ‘difa’ disgo Deloris yn newid trywydd ar ôl iddi fod yn dyst i lofruddiaeth. Er mwyn ei hamddiffyn, mae’r heddlu’n ei hanfon i’r unig le chaiff neb hyd iddi – lleiandy! Wrth iddi helpu’r côr sydd mewn trafferth, mae hi’n helpu ei chwiorydd newydd i ddarganfod eu lleisiau, ac yn ail-ddarganfod ei llais ei hun. Gyda cherddoriaeth wreiddiol gan Alan Menken (Disney’s Aladdin, Enchanted) a enillodd wobr Tony® ac 8 gwobr Oscar®, a chaneuon a ysbrydolwyd gan gerddoriaeth Motown, soul a disgo, mae’r sioe gerdd nefolaidd hon yn un llawen a dyrchafol. Mae Sister Act yn sioe sydd rhaid ei gweld sy’n codi’ch ysbryd ac yn twymo’ch enaid dro ar ôl tro.
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2023/Donald%20Gordon%20Theatre/Shrek/Gallery/IMG_3982.jpg)
Shrek the Musical
Yn seiliedig ar y ffilm DreamWorks a enillodd Oscar, mae’r sioe Broadway lwyddiannus Shrek the Musical, yn gomedi cerddorol llawn hwyl gyda chast o gymeriadau bywiog a sgôr ‘shrek-taciwlar’. Noson allan berffaith i bobl ifanc a’r rhai sy’n ifanc eu hysbryd – mae Shrek the Musical yn siŵr o fod yn hwyl i’r teulu cyfan a bydd yn gwneud i chi ddawnsio a chwerthin yr holl ffordd adref.
HINSAWDD GYNNES
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2024/Donald%20Gordon%20Theatre/I%20Should%20Be%20So%20Lucky/Desktop_Header.png)
I Should Be So Lucky
Mae I Should Be So Lucky, sy’n ddoniol dros ben ac yn emosiynol, yn ymwneud â theulu, ffrindiau, cariad ac amseroedd gwych. Mae anthemau diderfyn, traciau pop poblogaidd a dilyniannau dawns disglair yn dod at ei gilydd gyda 10 cân a gyrhaeddodd Rhif 1 a dros 30 o ganeuon o’r ‘Hit Factory’ y gwnaeth ei gerddoriaeth ddiffinio oes. Caiff y tîm creadigol ei arwain gan seren y llwyfan a’r sgrin Debbie Isitt (cyfarwyddwr ac awdur y fasnachfraint lwyddiannus Nativity!) a Jason Gilkison (cyfarwyddwr creadigol Strictly Come Dancing) a doniau cerddorol Stock Aitken Waterman.
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2023/Donald%20Gordon%20Theatre/Aladdin/Gallery/3._Disney_s_ALADDIN._Photo_of_original_London_production._Photo_by_Deen_Van_Meer._Disney..jpg)
Disney's Aladdin
Dihangwch i fyd newydd a phrofwch y digwyddiad theatraidd arbennig yma y mae 14 miliwn o bobl ledled y byd eisoes wedi’i weld. Mae’r cynhyrchiad gorfoleddus yma, sy’n cynnwys y gerddoriaeth eiconig gan Alan Menken, Howard Ashman a Tim Rice, yn llawn hud bythgofiadwy, comedi a golygfeydd anhygoel! Gydag effeithiau arbennig rhyfeddol, dros 350 o wisgoedd prydferth a cherddorfa fyw a chast ardderchog, mae Aladdin yn cynnwys yr holl ganeuon o'r ffilm a enillodd wobrau Oscar, gan gynnwys Friend Like Me, Arabian Nights ac A Whole New World.
7 Rhagfyr 2023 – 14 Ionawr 2024
Yn dwli ar y theatr? Ymaelodwch i gael y seddi gorau yn y theatr a buddion eraill gwych drwy gydol y flwyddyn.