Roedd mis Mawrth yn fis anhygoel. Cynhaliwyd yr ŵyl ddigidol gyffrous, Gŵyl 2021 - a hyfryd oedd rhannu gigs gan artistiaid cyfarwydd ac egin artistiaid o’r gymuned leol a ffilmiwyd yn ein hadeilad.
Cychwynnodd y mis gyda gweithdy crefft byw ar gyfer Dydd Gŵyl Dewi. Yn naturiol, cennin pedr oedd thema’r sesiwn! Dangosodd yr artist lleol, Nicky, sut i greu cenhinen pedr lliwgar gyda phapur tisw a glanhawyr pibell. Gwyliwch y fideo unwaith eto isod.
Cadwch lygad am ragor o weithdai crefft byw ar ein tudalennau Instagram a Facebook.
Aeth docynnau Rambert: Rooms ar werth. Bydd y sioe ddawns-theatr-ffilm uchelgeisiol yma, sy’n cyflwyno 17 dawnsiwr, 36 golygfa a 100 o gymeriadau, yn cael ei pherfformio a’i ffrydio’n fyw 8-10 Ebrill.
Roedd hi’n Ddiwrnod y Llyfr 4 Mawrth ac er nad oedden ni’n gallu cymryd rhan yn y ffordd arferol, roedd hi’n braf cofio nôl i 2018 pan ddaeth sioe gerdd Matilda i’n llwyfan.
Ddydd Sadwrn 6 Mawrth fe ffrydion ni weithdy crefft ar gyfer y teulu cyfan gan Caroline Richards. Dangosodd Caroline i bawb sut i ddefnyddio dail a hadau i greu gweithiau celf wedi’u hysbrydoli gan fyd natur.
Dros benwythnos 6-7 Mawrth roedd hi’n bleser bod yn rhan o Gŵyl 2021. Cyflwynodd yr ŵyl berfformiadau a ffilmiwyd ymlaen llaw gan bedair o hoff wyliau Cymru, gan gynnwys cerddoriaeth, comedi, podlediadau a mwy.
Cymerwch olwg ar ein gwefan Gŵyl y Llais i wylio gigs gan ein hartistiaid ni, gan gynnwys Arlo Parks, Brett Anderson a Cate Le Bon.
![Jaffrin Jaffrin](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Jukebox%20Collective/SKN2.jpg)
Jaffrin
![Faith Faith](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Jukebox%20Collective/Jukebox_Presents_-_Faith_Nelson_-_credit_Dee_Bryan.jpg)
Faith
![Arlo Parks Arlo Parks](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Arlo%20Parks/arloparksFOVkirstenmcternan019.jpg)
Arlo Parks
![Cate Le Bon Cate Le Bon](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/catepickskirstenmcternan061.jpg)
Cate Le Bon
![Brett Anderson Brett Anderson](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Paraorchestra/deathsongkirstenmcternan660.jpg)
Brett Anderson
![Dhun Dhora dhun dhora](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Dhun%20Dhora/dhun_dhora.jpg)
Dhun Dhora
![Jukebox Collective Jukebox Collective](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Jukebox%20Collective/SKN.jpg)
Jukebox Collective
![Bhekizizwe A man pointing in a dark room](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Bhezizwe/man_pointing.jpg)
Bhekizizwe
![Charlotte Adigéry Charlotte Adigéry](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/charlottte_adigery.jpg)
Charlotte Adigéry
![Sprints Sprints](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/SPRINTS/sprints_net.jpg)
Sprints
![Faith Faith](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Jukebox%20Collective/Jukebox_Presents_-_Faith_Nelson_-_W_S_-_credit_Dee_Bryan.jpg)
Faith
![Luke RV Luke RV](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Radio%20Platfform/Luke_DJ.jpg)
Luke RV
![King Khan King Khan](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Jukebox%20Collective/king_khan.jpg)
King Khan
![Aleighcia Scott Aleighcia Scott](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Jukebox%20Collective/Image_1.jpg)
Aleighcia Scott
![Reuel Elijah Reuel Elijah](https://res.cloudinary.com/wales-millennium-centre/image/upload/c_fill,f_auto,g_auto,h_484,q_auto:eco,w_860/v1/WMC%20Content/Festival%20of%20Voice/Jan%202021/Jukebox%20Collective/5O6A9641.jpg)
Reuel Elijah
Fe gymerodd Radio Platfform ran yn Gŵyl 2021 hefyd, drwy gyflwyno Next Up, cyfres o gigs byw o’r stiwdio gydag egin artistiaid Hip Hop a Rap o dde Cymru.
![Mace the Great rapping](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Festival%20of%20Voice/Jan%202021/Radio%20Platfform/mace_the_great.jpg)
Fe wnaethon nhw hefyd gyflwyno Un Deg Pump sef cyfres o bodlediadau yn trafod ystod eang o themâu, gan gynnwys hunaniaeth Gymreig, hunaniaeth rhywedd, cynhesu byd-eang a merched yn y diwydiannau creadigol. Mae’n werth ei glywed!
![Disney's Beauty and The Beast](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2021/Donald%20Gordon%20Theatre/Beauty%20and%20the%20Beast/BATB041_Desktop_AW_V2_1.jpg)
Fe gyhoeddon ni hefyd mai Disney’s Beauty and the Beast fydd ein sioe Nadolig 2021. Mae tocynnau bellach ar werth, felly mynnwch docyn nawr.
![Admiral](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Join%20and%20Give/Corporate/admiral.jpg)
Ddydd Mercher 17 Mawrth fe groesawon ni Admiral i’n teulu, gan gyhoeddi mai nhw yw ein cefnogwr corfforaethol diweddaraf. Yn debyg i ninnau, mae Admiral yn angerddol dros feithrin creadigrwydd yng Nghymru, felly mae’r berthynas yn gweithio i’r dim. Darganfyddwch fwy drwy ddarllen blog gan Sian Morgan, ein Cyfarwyddwr Datblygu a Phartneriaethau.
Mae Hacio Bywyd yn dychwelyd 8 Ebrill, ar ffurf ddigidol, gyda gweithdai cyffrous am ddim dros Zoom dan arweiniad gweithwyr proffesiynol y sector creadigol. Mae’r gweithdai’n addas i unrhyw un 14-25 mlwydd oed. Rydyn ni’n gweithio gydag arbenigwyr o theatr i ddawns, radio i ffilm, comedi i ddylunio. Mae’n argoeli i fod yn ddiwrnod gwych, ac mae’r cyfan AM DDIM!
Y mis yma fe wnaethon ni alw am artistiaid i greu darn o waith celf cyhoeddus ar gyfer ein hadeilad. Dyma’r trydydd galwad cyhoeddus, gyda galwadau gynt ar gyfer Diwrnod Rhyngwladol y Menywod a Black Lives Matter.
Felly, os ydych chi’n artist neu’n grŵp celf cymunedol gyda syniad gwych ar gyfer darn o waith celf trawiadol, hoffem ni glywed gennych chi! Nid oes thema – dyma gyfle gwych i ddathlu, herio, gofyn cwestiynau a mynnu gwrandawiad. Darganfyddwch fwy am y prosiect a sut i ymgeisio.
Ar gyfer Diwrnod y Cyfrifiad 2021 fe oleuon ni’r adeilad yn borffor, gan ymuno â nifer o adeiladau a thirnodau adnabyddus ac eiconig ledled Cymru a Lloegr.
![Diwrnod Cenedlaethol o Fyfyrdod](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Our%20Story/Blog/March%202021/ExL7NdIVEAIUAa_.jpg)
Ambell i ddiwrnod yn ddiweddarach, fe oleuon ni’r adeilad yn felyn ar Ddiwrnod Cenedlaethol o Fyfyrdod, i gofio'r rheiny a fu farw yn ystod y pandemig, ac i ddangos ein cefnogaeth i bawb a effeithiwyd.
A dyna’r cyfan am y tro. Os hoffech chi gefnogi unrhyw un o’n prosiectau cyffrous – megis gweithio gyda phobl ifanc a chymunedau neu greu ein cynyrchiadau ein hunain, yna cymerwch olwg ar dudalen Prosiectau y Gallwch chi eu Cefnogi. Mae Cymru angen creadigrwydd yn awr yn fwy nag erioed.
Mae llawer o’r gweithgareddau yma rydyn yn parhau i allu eu cynnal, o ganlyniad uniongyrchol i’ch rhoddion hael, eich aelodaeth a chyllid grantiau. Fe hoffem ni ddiolch hefyd i Gyngor Celfyddydau Cymru, Sefydliad Moondance a Garfield Weston, Paul Hamlyn Foundation, The Clive and Sylvia Richards Charity and The Simon Gibson Charitable Trust am ganiatáu i ni ddal ati yn cefnogi’r doniau creadigol, y bobl ifanc a’r cymunedau sy’n gweld yr angen am greadigrwydd nawr yn fwy nag erioed.